Nova pizzica allu capu

Carissimi lettori, torno già da voi con un altro testo in lingua salentina, questa volta politico.
Mi è venuto in mente a partire da un mio vecchio testo, sempre dedicato allo stesso destinatario, che fu il mio primo esperimento, brutto in verità, di composizione di pizzica. Il testo è duro, sincero, figlio degli Aramirè di "Mazzate pesanti", che diventano il mio insostituibile modello quando si tratta di testi politici in lingua leccese.
Nova pizzica a lu capu.
E mo gran capu tribù tie me l'hai dire
ce razza de cuscienza s'have tinire
Cu se tratta quiddu ca è de tutti
comu ci propriu bera,
senza chiù né vergogna né pudore.
E lu sacciu ca tie poti rispunni
ca nu sinti lu primu cu cunfunni.
E cunfunni st'acque tempestose,
e fai direttamente
cu le cose de tutti le to' cose.
E nc'ete tanta gente ca a tantu tiempu
de stizza sta ca more
e nu pote cchiui ca t'apre lu so core.
E tie indifferente sta la 'nganni
percé tantu lu sai
ca le cose le scorda in poch'anni.
E cusì cinqu'anni rreta mo paria,
ca puramente de tie
la gente scerrare se nde ulia.
Ma po' c'hanno bastatu le promesse
e po' 'ntorna le cose
su le stesse.
E n'ha bastatu ca tie li 'mpruminti
ca le tasse no cchiui
sulu diritti.
Cusì hai pututu sciocartela 'ntorna
e la partita tie
l'hai ingiustamente vinta daccapu.
E quannu si 'nchianatu subbra alla seggia
t'hai pensatu ca
putivi cu facivi carità.
Ma t'hai vistu ca 'nc'erane le leggi
e tuttu voi cu scasci a tuo favore.
E nun hai fattu nienti allu paese
percé sulu pe tie teni partitu.
Senza cuscienza alcuna guvernannu,
t'aspettavi 'na tragedia
ca facia lu sciocu tou intra allu munnu.
E sta tragedia tie l'hai truvata
e fu nu terremotu
fu lu terremotu de l'Abbruzzesi.
E tie a quidda gente cu la cunquisti
si sciutu fai teatru
cu nu panarieddu de promesse.
E quidde chiu 'mpurtanti l'hai mantenute
puru ci t'hai scurdatu
de li sprechi 'ndecenti all'autra banda.
Percé tie comu teatrante d'arte
poi cu sposti la scena
ci a tie sulamente te 'nteressa.
Po' hai tinutu sacchi de prublemi,
e c'hai 'ddimannatu
alle leggi cu sta vannu luntani.
E cusì mo' tie te scordi lu territoriu
addunca sta governi, ca nun ete affare de regioni.
Ete lu Statu ci tene potere
ca s'have a 'mpuntare su li problemi a forza nazionale.
E tie 'nvece sta pienzi alla giustizia,
cu pe' Costituzione passa na legge apposta pe' tie fatta.
O pienzi dopo ca t'hannu aggreditu
a dire ca nui simu antiitaliani.
Se ci te dice: "Decenza!" nun è italianu
'mbè mancu ieu stabbegnu de ddu paese.
Spiccia cu sciochi e lavora,
ca stu paese tene troppe emergenze.
E nienzi facisti cu li precari
e mancu cu la gente ca allu lavoru more.
E nu facisti nienzi alla scola,
semmai tie voi cu spicci cu la ruvini.
E voi cu te damu cchiu poteri,
percé lu parlamentu è varietà.
E tie nu teni mancu na paura,
mancu se sta te critica
puru la gente de lu tou partitu.
E mo' te lassu caru Berlusconi,
ma voju cu te dicu abbi pacienzia!
sulu